ConnectIPS सम्बन्धी शर्त बन्देजहरु

1. आफूले अनुरोध गरेको कुनै पनि रकमान्तरण प्रक्रिया यस नियम तथा शर्तहरु बमोजिम सम्पन्न हुनेछ भन्नेमा ग्राहकको सहमति छ। स्ट्याण्डर्ड चार्टर्ड बैंक नेपाल लिमिटेडद्वारा (जसलाई “बैंक” भनिएको छ) तय गरिएको यस सम्झैता पत्रको कार्यान्वयनलाई नेपाल राष्ट्र बैंक र अन्य आधिकारिक निकायको नियमावली, निर्देशिका र परिपत्र लगायत अन्य प्रशासनिक नियमहरुले निर्दिष्ट गर्नेछन्। युद्ध, राजनीतिक संकट, सामाजिक अराजकता वा सम्पत्ति जफत जस्ता आफ्नो नियन्त्रण बाहिरका कारणहरुले ग्राहक वा अन्य पक्षले कुनै पनि क्षति व्यहोर्नु परेमा बैंक, बैंकको सहायक तथा बैंकसँग सम्बद्ध कम्पनीहरु जिम्मेवार/जवाफदेही हुने छैनन्।
2. आफ्नो नियन्त्रण बाहिरका कारणहरु तथा बैंकका आफ्ना कर्मचारी तथा कुनै पनि संवाददाता, एजेन्ट, उप–एजेन्ट वा तिनीहरुसँग सम्बन्धित कर्मचारीहरुबाट हुनसक्ने भुलचुक, हेलचक्र्याई वा यस्तै प्रकारका अन्य विसंगतिले कुनै क्षति वा ढिलाई भएमा बैंक यसको लागि जिम्मेवार हुनेछैन।
3. बैंक आफैले तोकेको र/वा नियामक निकायले connectIPS – नेपाल क्लियरिङ हाउस लिमिटेड (नसीएचएल) लागि निर्धारित गरेको अधिकतम रकम सिमा अनुरुप मात्र भुक्तानी रकमान्तरण स्वीकार गर्दछ।
4. बैंकले नेपाली रुपैँया मा मात्र भुक्तानी रकमान्तरण सेवा प्रदान गर्दछ ।
5. सबै connectIPS सम्बन्धि भुक्तानी/रकमान्तरणको शुल्क नियामक निकाय, नेपाल क्लियरिङ हाउस लिमिटेड (नसीएचएल) र बैंकले निर्धारण गरेको दर बमोजिम हुन्छ। यस्तो शुल्क बैंकले सम्बन्धित ग्राहकको खाताबाट प्रत्यक्ष रुपमा काट्न सक्नेछ। 
6. बैंकले ठगी वा त्यस्तै प्रकारका नियतवश गल्ती बाहेक ग्राहकले यो नियम तथा शर्तहरुको अधिनस्थ रहेको रकमान्तरण सम्बन्धि विषयमा बैंक विरुद्ध कुनै पनि प्रकारको कार्यवाही गर्ने छैन।    

भुक्तानी रकमान्तरण सीमाः

प्रति कारोवारः रू. २०,००,०००।–

प्रति दिनः रू. २०,००,०००।–

प्रति महिनाः रू. ५०,००,०००।–

प्रति दिन कारोवारको अधिक्तम संख्याः ५